Астана
9.12°C
Астана
9.12°C
Блогер Камила Юсупова Дамир Төлеуов есімді ер адамның қызына уәде етілген автокөліктің әлі берілмегені туралы мәлімдемесіне қатысты пікір білдірді, деп хабарлайды paryz.kz.
Камила Юсупова әлеуметтік желідегі жазбасында бұл жағдайға бейжай қарамайтынын айтты. Оның сөзінше, ол жобаға сыйлықтардың толық берілетініне қатысты уәде алғаннан кейін қатысқан.
«Жауапкершілік берімізде, бұл жерде “моя хата с краю” дей алмаймыз! Алмас Бекіштің “қандай жағдай болмасын, сыйлықтар 100% беріледі” деген жігіттік сөзін алғаннан кейін ғана мен эфирлеріне қатысқанмын! Бүгінде көлікті беремін деп уәде беріп отыр, десе де бұл жұмысты бастаған адамдардың бәрі бұл іске қатысу керек. Жарты жолдан кетіп қалдым деген әңгіме жарамайды», – деп жазды Камила Юсупова.
Блогер мәселенің соңына дейін жеткізілуіне өз тарапынан көмектесуге дайын екенін атап өтті.
«Мен де үндемей отырмаймын, істі аяғына дейін жетуіне қандай көмегім керек, бәрін жасаймын», – деді ол.
Жазбаға пікір білдірген оқырмандардың арасында да бұл мәселеге қатысты сұрақ қойғандар бар. Кейбірі жобаға қатысушыларға сенім артқанын айтып, ұйымдастырушылардан нақты жауап күтетінін жазған.
Бұған дейін Дамир Төлеуов тележүргізуші Аша Матайға, Камила Юсуповаға және продюсер Алмас Бекішке көпшілік алдында үндеу жасап, қызының байқауда жеңімпаз атанып, автокөлік ұтқанын, алайда арада бір жыл өтсе де жүлденің табысталмағанын айтқан еді.
