Астана
7.91°C
Астана
7.91°C
Дамир Төлеуов есімді желі қолданушысы тележүргізуші Аша Матайға, Камила Юсуповаға және продюсер Алмас Бекішке көпшілік алдында үндеу жасап, қызына уәде етілген автокөлікті беруді талап етті, деп хабарлайды paryz.kz.
Ол әлеуметтік желідегі жазбасында осыдан бір жыл бұрын қызының байқау жеңімпазы атанып, автокөлік ұтып алғанын айтты.
Оның сөзінше, алайда жүлде ретінде уәде етілген көлік әлі күнге дейін табысталмаған.
«Осы видеоны қарап шығыңыздаршы. Мұнда сіздер өздеріңіз менің қызымды жеңімпаз деп жариялап, оған автокөлік ұтып алғанын хабарлағансыздар. Арада бір жыл өтті, бірақ менің қызыма көлік әлі берілген жоқ. Неліктен? Не болды? Қызым өз көлігін қашан алады?» – деп сұрады Дамир Төлеуов.
Ол бұл үндеуді жанжал шығару үшін емес, жағдайға қатысты нақты әрі ашық жауап алу мақсатында жасап отырғанын атап өтті.
Сонымен қатар Дамир Төлеуов оқырмандардан жазбасын қолдап, пікір қалдырып, бөлісуді сұрады.
