Астана
25.77°C
Астана
25.77°C
“Нұр-Мұқасан” тобының жаңа әншісіне қол жұмсады деген айыппен атына қылмыстық іс қозғалған Мұқасан Шахзадаев көпшіліктің алдына қайта шықты, деп хабарлайды paryz.kz.
9 желтоқсанда Алматыда ақын Олжас Отардың “Ауырмайды жүрек” атты шығармашылық кеші өтті. Әдебиет пен музыканы тоғыстырған бұл кешке қазақ эстрадасының бірқатар танымал әртістері қатысты.
Сахнада Саят Медеуов, Досымжан Таңатаров, Қайрат Нұртас, Қанат пен Света, Тоқтар мен Бейбіт, Ернар Айдар, Әлішер Кәрімов және Абай Бегей өнер көрсетті. Сонымен қатар кеш барысында Мұқасан Шахзадаевтың да сахнаға көтерілгені байқалды.
Ақын Олжас Отар Instagram-парақшасында Мұқасан Шахзадаевтың сахнада ән айтып тұрған сәтінен видеоны жариялаған. Ал Досымжан Таңатаров өз сторисінде Мұқасанмен түскен суретін бөлісіп, көпшіліктің назарын аударды.
