Астана
4°C
Астана
4°C
Актриса Жұлдыз Әбдікәрімова әлеуметтік желідегі парақшасында өмірлік ұстанымы мен жақындарына деген жауапкершілігі туралы жазды, деп хабарлайды paryz.kz.
Өнер иесі көпшілік оны әртүрлі қабылдауы мүмкін екенін айтып, өзін іштей жауынгер сезінетінін жеткізді.
«Мен біреуге аққу, енді біреуге қарға болып көрінуім мүмкін. Ол маңызды емес. Көпшілік менің маңдайымнан бақ, басымнан тәж көргенімен, өзімді іштей жауынгер сезінемін. Менің ұстанымымда отбасым, балаларым, жақындарым, командам менің қамқорлығымда болғаны үшін жауаптымын. Иә, талабым қатал. Бірақ айналамдағы адамдарды ешкімге ренжіткізе алмаймын», – деп жазды Жұлдыз Әбдікәрімова.
Актриса жақын адамдарымен қарым-қатынасын көпшілікке жария ету немесе құпия ұстау – өз еркінде екенін атап өтті.
«Жақын деп тапқан қарым-қатынасымды құпия, жария ұстау да өз еркімде деп білемін. Ал егер арамызға салқын түссе, ат құйрығын бір-ақ сәтте үземін», – деді ол.
