Астана
25.77°C
Астана
25.77°C
Қоғам белсендісі Құрал Сейітхан бірнеше танымал тұлғаларды алдап соққан қыз туралы жазба жариялады.
Оның айтуынша, төрт жыл бұрын Гауһар Әлімбекованың 50 жылдық туған күнінде өзін «ҚазМұнайГазда істеймін, кештің демеушісімін» деп таныстырған қыз ерекше көзге түскен.
Ол көпшілік алдында әншіге «коттедж сыйладым» деп, тіпті кілт те табыс еткен. Алайда кейін бұл уәденің бәрі жалған болып шыққан. Қыз «үй әлі бітпеді» деген сылтаумен Әлімбекованың үйінде біраз уақыт тұрып, кейін одан және оның таныстарынан ақша сұрай бастаған.
Сейітханның сөзінше, Гауһар Әлімбекова одан әрең құтылған. Ал әлгі қыз кейін Құрал Сейітханның өзіне де хабарласып, Гауһармен қайта табыстыр деп өтінген. Белсенді оны «Ақтауданмын, атым — Диана» деп таныстырғанын, бірақ бұл да шындыққа сай еместей көрінгенін айтты.
