Прямой эфир

Астана

Астана

17.97°C

Шоу-бизнес бүгін, 13.07.2024 08:48 Обновлять, 18.07.2024 12:47

"Қалтама кетпейді": Роза Рымбаева концертіне қарастырылған миллиондаған ақшаға қатысты пікір білдірді

Роза Рымбаева әкімдік концертке деп қарастырған миллиондаған қаржыға қатысты түсініктеме берді.

"Қалтама кетпейді": Роза Рымбаева концертіне қарастырылған миллиондаған ақшаға қатысты пікір білдірді
Фото: видеодан скриншот

Халық әртісі мемлекет қаржысынан бір тиынды да қалтаға баспайтынын мәлімдеді. Айтуынша, бөлінетін ақшаның өз есебі бар, деп хабарлайды paryz.kz ақпарат агенттігі stan.kz-ке сілтеме жасап.

"Мен әкімшілікке қарайтын әншімін, ресми жұмысым сол. Сондықтан біздің концерттік бағдарламаның бірінші қолдаушысы – әкімдік. Әлі де жыл аяғына дейін уақыт бар. Болса болады, болмаса ол көрерменге керек. Мен өз орнымды баяғыда тапқан әншімін", – деген Рымбаева мәселенің әлі нақты шешілмегенін атап өтті.

Десе де, ол миллиондаған қаржының қайда кететінін түсіндірді. 

"Бір залдың жалға алу құны, декорация, жарық, контент, дирижердің жұмысы, оркестрдің дайындығы, орындалатын шығармалардың авторлары, балет, оның дайындығы, костюмі, режиссерлердің жұмысы бар. Әр әнге контент қоясың. Соның бәрін есептеген кезде бөлінетін соманың жартысы кетіп қалады. Ал қалған ақша режиссер, баллет, партитура және т.б. қызметтердің ақысына төленеді. 

Одан Рымбаева тіпті бір көйлекке ақша тапса, бұйырмасын. Керісінше, үстінен 20-30 мың доллар өз қалтамнан қосамын. Тұңғыш концерт болғандықтан, Әлидің концертіне де өз қалтамнан ақша қостым. Сол ақшаның бәрі менің қалтама кетіп жатқандай ел шулайды", – дейді Роза Қуанышқызы.