Инватакси қызметі мүгедектігі бар азаматтарға қолжетімді болуда

Естеріңізге сала кетейік, 2025 жылдың қорытындысы бойынша мүгедектігі бар азаматтарға арналған инватакси қызметі 489,8 мың рет көрсетілген.

Инватакси қызметінің сапасы мен жылдамдығын арттыру мақсатында министрлік әкімдіктермен бірлесіп қызмет көрсету тетігіне өзгерістер енгізді. Енді азаматтар қызмет алу үшін алдын ала, бір күн бұрын телефон арқылы жазылуы керек. Кейбір жағдайларда көлік жетіспеушілігі немесе басқа техникалық кедергілерге байланысты сапарларды алдын ала жоспарлап, тапсырыс мәртебесін күту қажет болады.

Осы мәселелерді жеңілдету үшін пилоттық жобада тиісті сұраныс алған агрегаторларды тарту көзделген. Жобаның басты шарты — сапар ақысынан пайыз алынбайды, яғни агрегатор платформаларының пайдасына аударылатын төлемдер болмайды. Яндекс компаниясы пилоттық жобаға тегін қатысуға ниет білдірді.

Жобаны қолдану арқылы азаматтар Яндекс Go мобильді қосымшасы арқылы Инватакси қызметіне тапсырыс бере алады. Қызмет алушыларға көлікті жылдам таңдауға, тапсырыс мәртебесін онлайн қадағалауға және жасалған сапарларды бақылауға мүмкіндік беріледі. Қосымшада мүгедектігі бар адамдар жүргізушіге ерекше қажеттіліктері туралы хабарлауға арналған арнайы экран бар. Жүргізушілерге адамды көлікке отырғызу және түсіру кезінде көмек көрсетуге арналған нақты нұсқаулар беріледі.

Биыл пилоттық жоба Астана және Алматы қалаларында жалғасады, бұл мүгедектігі бар азаматтар үшін қолжетімді көлікті қамтамасыз етуге бағытталған.