Астана
25.77°C
Астана
25.77°C
Астанада ерекше резонанс тудырған Instagram-конкурсқа байланысты іс сотта тіркелді. Мамандандырылған ауданаралық әкімшілік сот Ерболат Жанабылов пен Эльмира Толегенова ұйымдастырған ұтыс ойыны бойынша істі қарауға қабылдады. Бұл туралы ақпарат «Сот кабинеті» порталында жарияланды, деп хабарлайды Paryz.kz.
Қазақстан Республикасы Әкімшілік құқықбұзушылық туралы кодексінің 445-1-бабы, 6-бөлігіне сәйкес, Ерболат Жанабыловқа «Лотереяны лотерея операторлары емес тұлғаның ұйымдастыруы» дерегі бойынша хаттама жасалды.
Туризм министрлігінің мәліметінше, оның қорғаушысының өтініші негізінде іс сотқа жолданды. Сот отырысының нақты уақыты мен орны қосымша хабарланады. Әзірге Эльмира Толегеноваға қатысты тексеру аяқталмаған.
Оның ісі бойынша шешім тексеру нәтижелері шыққан соң қабылданады. Блогерлер жариялаған ұтыста 11 автокөлік таратылатыны хабарланған. Алғашында акцияға қатысу тегін деп көрсетілгенімен, кейін шарт өзгеріп, қатысушыларға құны шамамен 30 мың теңге тұратын онлайн-курс сатып алу міндеттелгені анықталды. Бұл жағдайдан кейін әлеуметтік желі қолданушылары блогерлерді білім беру өнімін желеу етіп, заңсыз лотерея ұйымдастырды деп айыптады.
