Астана
4°C
Астана
4°C
Блогер Фариза Сабыралиева экс-күйеуіне қатысты сотта жеңіп шыққаннан кейін әлеуметтік желідегі парақшасында жазба жариялады, деп хабарлайды paryz.kz.
Ол өзін халық алдында қаралағанын айтып, бұл жағдайдың оған ауыр тигенін жеткізді.
«Қазақтың қаршадай қызына, 2 баланың анасына жазықсыз жала жауып, бүкіл халықтың алдында қорлаған кезде, сіздер Халық болып, үлкен қолдау көрсеттіңіздер. Мен үшін өте ауыр жала болды. Себебі мен, ата-анамның тәрбиесін көрген, әкемнің махаббатымен өскен, түзу жолда, жұмысымды жасап, аяққа тұрып балаларымды асырап жүрген Қазақтың қарапайым қызымын», – деп жазды ол.
Блогер халықтың қолдауы мен сот шешімін әділдік орнағанының белгісі деп бағалаған.
«Алланың 99 есімінің бірі Әл-Халиқ الخَالِقُ. Халықтың өзі ақ-қарасын ажыратып, әділдікті талап етті. Алла әділ, бірінші Алла, екінші сіздердің арқаларыңызда, сот әділ шешім шығарып, менің намысымды қорғады. Бұл менің ғана емес, барша қазақ қызының жеңісі деп білемін», – деді Фариза Сабыралиева.
Ол өзін қолдап, уайымдап, дұға еткен оқырмандарына алғыс айтты.
