Астана
17°C
Астана
17°C
Танымал әнші Жазира Байырбекованың сіңлісі Назира Байырбекова әлеуметтік желідегі парақшасында күйеуінің опасыздығына қатысты жазба жариялады, деп хабарлайды paryz.kz.
Ол өз қадірін білетін, отбасы мен неке адалдығын жоғары қоятын әйелдер күйеуінің опасыздығын кешірмейтінін жазды.
«Өз құнын білетін, өзін өзі бағалайтын, шекарасы анық, отбасын, неке адалдығын құнды дүние, бақытымның өзегі деп қарайтын әйелдер “изменаны” кешірмейді», – деп жазды Назира Байырбекова.
Оның айтуынша, мұндай әйелдер ер адам неше жаста болса да, неке адалдығын бұзған адаммен бір шаңырақта қалмайды.
«Олар ертең өлетін болып тұрса да, ал бүгін сыңары көзіне шөп салса, бүгін ажырасады. Өмірінің соңғы күні болса да», – деді ол.
Назира Байырбекова сондай-ақ әйел адам өзін ешкімнің қор қылуына жол бермеуі керек екенін атап өтті.
«Қош бол, көңілдес іздеуден басқа өмірден мән таба алмаған адам!» – деп жазды ол.
