Астана
17°C
Астана
17°C
Танымал актер Азамат Сатыбалды денсаулығын жақсарту мақсатында ашығу әдісін қолданып жүргенін айтты, деп хабарлайды paryz.kz.
Өнер иесі әлеуметтік желідегі парақшасында оқырмандарына денсаулыққа қатысты кез келген әдісті алдын ала зерттеп, оның ерекшелігін ескеруге кеңес берді.
Актердің сөзінше, ол ашығу әдісін 10 жылдан астам уақыт бойы жылына екі рет қолданады. Сондықтан бұл тәсілге ағзасы бейімделген.
«Қадірлі достар. Не істесеңіздер де, зерттеп, біліп алып жасаңыздар. Бұл ойыншық емес. Мысалы, менің ағзам осыған үйренген. Мен 10 жылдан асты, жылына екі рет ашығып жүремін. Сондықтан абайлау керек. Денсаулықпен ойнауға болмайды. Алла жар болсын», – деп жазды Азамат Сатыбалды.
Актер оқырмандарына денсаулыққа қатысты шешім қабылдағанда сақ болуды ескертті.
