Астана
4°C
Астана
4°C
Белгілі тележүргізуші Динара Сәтжан ұлы Даниял Үскенбай мен келіні Айнұрдың Париждегі сәттерін көрсетіп, жас жұбайларға ақ тілегін арнады, деп хабарлайды paryz.kz.
Тележүргізуші Instagram-парақшасында бір-бірін таңдап, өмір жолын бірге жалғастыруға шешім қабылдаған екі жастың бақытына куә болудың өзі ерекше сезім екенін жазды.
«Сендерге махаббаттарыңды өмір бойы аялап, бір-біріңе ризашылықпен әрі құрметпен қарауды тілеймін. Жылдар өткен сайын сезімдерің тереңдеп, махаббаттарың даналық пен күшке толы болсын», – деп жазды Динара Сәтжан.
Ол ұлы Даниялға да арнайы үн қатып, отбасылық өмірде жарына тең серік ретінде қараудың маңызды екенін атап өтті.
«Даниял, саған ең басты нәрсені айтқым келеді: әйел – қызметші емес. Ол – сенің өмірлік серігің, тең дәрежедегі жұбың. Онымен қуанышыңды да, қиындықтарыңды да, армандарыңды да, отбасы алдындағы жауапкершілікті де бірге бөлісесің», – деді тележүргізуші.
Сондай-ақ Динара Сәтжан ұлына жарының қызығушылықтары мен армандарына құрметпен қарап, жетістіктеріне қуанып, қиын сәттерде әрдайым жанынан табылуға кеңес берді.
«Бүгін жүректеріңді тоғыстырған сезімді сақтаңдар. Күн сайын бір-біріңді қайта таңдай біліңдер. Бақытты болыңдар, менің сүйіктілерім!» – деп түйіндеді ол.
