«Ескерту жасасам, жылап қалады»: Жеңіс Ысқақова қазіргі келіні жайлы айтты

Өнер иесінің айтуынша, ұлы алғаш үйленгенде келіні бөлек тұруды қалаған. Алайда ұлы ата-анасымен бірге бір шаңырақта тұратынын айтқан.

«Бірінші үйленгенде келін бөлек шығайық деді. Ұлым "бөлек шықпаймыз, біз осы шаңырақта бәріміз бірге тұрамыз. Бөлек шыққың келсе, өзің кете бер" деді. Келін кетіп қалды. Менің ол жерде қатысым жоқ. Ол кезде балалар өздері тұрды. Мен Астанада тұрдым», – деді Жеңіс Ысқақова. 

Әнші кейін бұрынғы келінінен жағдайды сұрағанын айтты. Оның сөзінше, экс-келіні оған ешқандай өкпесі жоқ екенін жеткізген. Жеңіс Ысқақова қазіргі келінін ерекше жақсы көретінін атап өтті. 

Оның айтуынша, келінімен бірге тұрады және оны «сәнім» деп атайды. 

«Қазіргі келінімді "сәнім" деймін. Құдайдан сұрап алғанмын. Аллаға сансыз шүкір деймін. Маңдайынан сүйіп отырамын. Бірге тұрамыз. Ол келінге бөлек шығыңдар десем, шықпаймыз дейді», – деді әнші.

Сонымен қатар өнер иесі келініне кейде ескерту жасайтынын айтты. Алайда келіні ескертуге көңілі босап, жылап қалатын көрінеді.

«Мен бірдеңе дұрыс болмаса, ескерту жасаймын. Алдында бір-екі рет ескерту жасап едім, жылап қалды», – деді Жеңіс Ысқақова.