Астана
19°C
Астана
19°C
Қазақстанның халық әртісі Мақпал Жүнісова журналист Аман Тасығанға берген сұхбатында алғашқы махаббаты туралы сыр шертіп, оған арналған әннің тарихын айтып берді, деп хабарлайды paryz.kz.
Әншінің айтуынша, жастық шағында ғашық болған Қанат есімді азамат өте көрікті жігіт болған. Алайда бұл махаббаттың соңы бірге болумен аяқталмаған.
«Алғашқы махаббатымды әлі ұмытқан жоқпын. Өте әдемі, сұлу бала болатын. Бірақ сол махаббат маған бұйырмады. "Кетсең де шалғай" әнін сол Қанатқа арнап жылап айтқам», – деді Мақпал Жүнісова.
Өнер иесі Қанаттың өмірден өткенін де айтып, оның өзіне қалдырған аманатын баласы жеткізгенін жеткізді.
«Ол кісі қайтыс болды. Сол кезде соның баласы маған қоңырау шалып: "Мақпал апа, мен Қанат Карбузовтың баласы едім. Апа, әкемнің аманаты еді. Қайтыс болғанда Мақпалға айт деген", – деді. Жүрегім дір ете қалды. Баласы маған жеткізіп тұр», – деп еске алды әнші.
Мақпал Жүнісова алғашқы махаббатына қатысты естеліктердің әлі де сақтаулы екенін айтты. Оның сөзінше, Қанаттың суреттері мен жазған хаттары бүгінде де өзінде бар.
