Астана
17°C
Астана
17°C
Танымал әнші Медеу Арынбаев қоғамда қызу талқыланып жатқан Тұрсынбек Қабатовқа қатысты жағдайға пікір білдірді, деп хабарлайды paryz.kz.
Өнер иесі отбасыға қатысты мәселелер әр адамның жеке өмірі екенін атап өтті. Алайда көпшілікке танымал тұлғалар өз әрекетіне жауапкершілікпен қарауы керек деп есептейді.
«Естідім бәрін. Керек емес еді негізі. Әрине, отбасылық мәселе – өзінің жеке өмірі. Бірақ сен тұлға болсаң, өнер деген елдің атынан шығып жүрсің бе – оның бәрін абайлау керек. Оның жауапкершілігі болу керек. Жауапты қарау керек», – деді Медеу Арынбаев.
Әншінің айтуынша, елге белгілі азаматтардың өмірбаяны мен жеке басына қатысты кез келген жағдай қоғам назарында болады. Сондықтан өнер адамдары өз әрекетінің тәрбиелік әрі қоғамдық маңызын ескеруі тиіс.
«Белгілі тұлғалардың өмірбаяны бірінші ретте талқыға түседі. Өзің айтпақшы, оның идеологиялық, тәрбиелік мәні бар. Осындай жағдайларға абай болу керек. Өнердегі әріптестеріме айтарым – мұндай мәселелерді шығармау керек. Шығарсаң да, оның бәрін жасыра алмайсың. Тек жарияламау керек», – деді ол.
Медеу Арынбаев көпшілікке танымал адамдардың әрбір қадамы қоғам назарында болатынын айтып, өнер өкілдерін жеке өмірге қатысты мәселелерде барынша сақ болуға шақырды.
