Астана
4°C
Астана
4°C
Қазақ әзіл-оспақ өнерінің белгілі өкілі, «Шаншар» театры арқылы көпшілікке танылған актер Жүсіп Ақшораға ерекше құрмет көрсетілді. Өнер иесіне «Халықтың сүйікті әртісі» деген атауы бар арнайы медаль табысталды, деп хабарлайды paryz.kz.
Бұл мемлекеттік марапат емес. Бастаманы Intelligentno Qu жобасының жас әзілкештері мен қазақтілді контент авторлары көтерген. Олар актердің қазақ юморы мен сахна өнеріне қосқан үлесін бағалап, халықтың ықыласын осылай білдірген.
Арнайы әзірленген медальмен бірге Жүсіп Ақшораға куәлік табысталып, қазақы дәстүрмен иығына ақ шапан жабылды.
Өнер иесі өзіне құрмет көрсеткен кейінгі буын әріптестеріне алғысын білдірді.
Оның айтуынша, өнердегі буындар сабақтастығын сақтау, аға буынның еңбегін бағалау және жастарға бағыт-бағдар беру маңызды. Актер мұндай құрметтің өзі үшін ерекше мәнге ие екенін атап өтті.
