Астана
4°C
Астана
4°C
Қазақстандық танымал әншілер Ерке Есмахан мен RaiM Италияда демалып жүр. Жұлдызды жұп Комо көлінің жағасындағы Белладжио қалашығында уақыт өткізіп, сапарынан әлеуметтік желіде кадрлар жариялады, деп хабарлайды paryz.kz.
Ерке Есмахан Италияның көрікті жерлерінде түскен суреттерін Instagram парақшасына жүктеп, ерекше әсерімен бөлісті. Әнші табиғи жағдайда түсірілген кадрлардың әдемілігіне назар аударған.
«Кейде ең әдемі кадрлар арнайы қойылымсыз-ақ түсіріледі екен. Өзімді италиялық киноның кейіпкеріндей сезініп тұрмын», – деп жазды өнер иесі.
Әншінің жазбасына көпшілік жылы пікір қалдырып, жұлдызды жұпқа жақсы демалыс тіледі.
«Италияның табиғаты әдемі деп жүрсем, табиғаттың өзі Еркенің қасында фон болып қалыпты», «Сіздің бақытыңыз бүкіл қыз-келіншекке жұғысты болсын», «Италияның көркін ашқан Ерке Есмахан» деген пікірлер жазылды.
Ал RaiM өз парақшасында Комо көліндегі күннің батуын көрсететін бейнеролик жариялады. Музыкант кешкі уақытта көлге түсіп, демалысын ерекше өткізген.
