Астана
30°C
Астана
30°C
«МузАРТ» тобының әншісі Сәкен Майғазиев әріптесі Кенжебек Жанәбіловтің денсаулығына қатысты жаңа ақпаратпен бөлісті. Өнер иесі әлеуметтік желідегі парақшасында Кенжебекке кардиологиялық орталықта күрделі ота жасалғанын айтты, деп хабарлайды paryz.kz.
Сәкен Майғазиевтің сөзінше, хирургиялық ем-шара шамамен төрт сағатқа созылған.
Әнші әріптесінің отадан сәтті шыққанын жеткізді.
«Кенжебекке кеше кардиологиялық орталықта ота жасалып, 4 сағатқа созылған ем-шара сәтті өтті. Алла тағала шипа берсін. Барша медицина қызметкерлеріне мың рақмет. Қолдарыңыз дерт көрмесін. Сіздер де ауырмаңыздар», – деп жазды Сәкен Майғазиев.
Ол сондай-ақ Кенжебекке қолдау білдіріп, оның тезірек сауығып кетуін тіледі.
Айта кетейік, бұған дейін Кенжебек Жанәбіловтің жансақтау бөліміне түскені хабарланған болатын.
