Астана
4°C
Астана
4°C
Әнші Әбдіжаппар Әлқожа жас футболшы Дастан Сәтпаевқа тегін «Сәтбай» деп өзгерту туралы ұсыныс айтты, деп хабарлайды paryz.kz.
Өнер иесі әлеуметтік желідегі парақшасында қазақстандық футболшы Дастан Сәтпаевтың тегіне қатысты пікір білдірді.
Оның айтуынша, Қазақстан тәуелсіздік алғанына 35 жылға жуық уақыт өтсе де, көптеген азаматтың тегінде кеңестік кезеңнен қалған «-ов», «-ев» жалғаулары сақталып келеді.
«Қазақ баласы Дастан Сәтпаев "Челси" футбол клубындағы алғашқы голын соқты. Бірақ барлық комментаторлар "Сәтпаев" деп айтып жатыр. Егемендік алғанымызға 35 жыл болды. Неге оны "Сәтбай" деп өзгертпеске? Біз жанкүйер ретінде осындай ұсыныс тастайық. Дастан, сен тегіңді "Сәтбай" деп ауыстыр деп айтайық. Қазір көпшілік "ов", "ев" жалғауларынан бас тартып жатыр. "Сәтпаев" деген бәрібір орысша естіледі. Құжат жүзінде Сәтпаев болып қала берсін, бірақ жейдесінде "Сәтбай" деп жазылса, өте жақсы болар еді», – деді әнші.
Әбдіжаппар Әлқожаның бұл пікірі әлеуметтік желі қолданушылары арасында қызу талқыланып жатыр.
