Астана
19.46°C
Астана
19.46°C
Танымал продюсер Баян Мақсатқызы тойда әйелдер мен өнер адамдарына қатысты дөрекі пікір айтқан ақсақалдың әрекетіне қатысты ойын білдірді, деп хабарлайды paryz.kz.
Продюсер бұл туралы Instagram-парақшасында жазба жариялады.
"Бұны жауапкершілікке тартады деп үміттенемін. Келесі жолы осындай адамдардың қолынан микрофонды тартып алып, арырақ қуып жіберу керек. Сендерге, діни фанаттарға, қанша рет айту керек? Біз зайырлы мемлекетте өмір сүріп жатырмыз және сендердің ескі діни көзқарастарыңды таратуға жол бермейміз. Ауғанстанға кетіңдер, ол жақта шариғат заңымен өмір сүреді", – деп жазды Баян Мақсатқызы.
Еске салайық, бұған дейін әлеуметтік желіде той үстінде әйелдер мен әншілерге қатысты теріс пікір айтқан ақсақалдың видеосы кеңінен тараған болатын. Кейін оның қамауға алынғаны белгілі болды.
