Астана
4°C
Астана
4°C
Әнші Роза Әлқожа әлеуметтік желідегі парақшасында Жетісайда өткен тойда болған жағдайға қатысты пікір білдірді, деп хабарлайды paryz.kz.
Өнер иесінің айтуынша, той барысында келіннің сәлем салуына қатысты айтылған пікірлерден кейін өзіне бағытталған сын мен буллингке тап болған.
Роза Әлқожа Жетісай өңірінің салт-дәстүрге берік екенін атап өтіп, өзі де тойға арнайы шақырылған қонақ ретінде барғанын жеткізді. Оның сөзінше, нағашылар жағынан сөз сөйлеген азаматтың пікірі көпшілік арасында қызу талқыланған.
Әнші жазбасында кейбір діни ұстанымдарды алға тартып, дәстүрге қарсы пікір айтудың қоғамда алауыздық тудыруы мүмкін екенін меңзеді.
Сондай-ақ өзін көпшілік алдында айыптағандарға құқықтық тұрғыдан жауапкершілік қарастырыла ма деген сауал қойып, заңгерлерден кеңес сұрады. Бұдан бөлек, Роза Әлқожа өзін той иесінің арнайы шақырған құрметті қонағы екенін айтып, жеке басына қатысты айтылған пікірлерге ренішін білдірді.
