Астана
4°C
Астана
4°C
Қазақстандық әнші Алтынай Жорабаева бұрынғы күйеуі Сәбит Әбдіқалықовпен арадағы қарым-қатынасы және оның қыздарының өміріне араласуы туралы пікір білдірді. Ол қызының ұзату тойына қатысты көптің көкейіндегі сауалға жауап берді, деп хабарлайды paryz.kz.
Алтынай Жорабаеваның сөзінше, бұрынғы күйеуі қыздарымен тұрақты араласпайды. Сондықтан ол қазіргі жұбайы Әлішердің еңбегін бағалайтынын және оның сезімін бәрінен жоғары қоятынын жеткізді.
Әншінің айтуынша, қазіргі жолдасы қыздарына әкелік қамқорлық танытып, олардың сеніміне ие болған. Тіпті қыздары оны өз еркімен "папа" деп атауға рұқсат сұрағанын айтты.
"Әлішер бәрін жасап жүрген кезде, биологиялық әкесі екен деп төріме шығарып, оның дастарханына отырғыза алмаймын. Маған ең маңыздысы – Әлішердің сезімі. Егер бұрынғы күйеуім балаларына қамқорлық танытып, араласып жүрген болса, жағдай басқаша болар еді", – деді әнші.
Сондай-ақ ол қыздарының да әкесіне өздері ұмтылмайтынын жасырмады. Оның сөзінше, қыздары бірнеше рет жақындасуға талпынғанымен, өздерін қажет сезінбегеннен кейін баруға ниет білдірмеген.
Жорабаева бұрынғы жұбайына өкпесі жоқ екенін айтып, оған әрдайым жақсылық тілейтінін жеткізді.
"Ол үйленгенде де бақыт тілеп, дұға жасадым. Ренішім жоқ. Өмірдегі әр нәрсенің өз қайыры бар деп ойлаймын", – деді өнер иесі.
