Астана
4°C
Астана
4°C
Әнші Алтынай Жорабаева әлеуметтік желідегі парақшасында жолдасы Әлішердің қызы Айнараның ұзату тойына өзі мен жұбайының не себепті қатыспағанын түсіндірді, деп хабарлайды paryz.kz.
Өнер иесінің айтуынша, бұған отбасыдағы қаралы жағдай себеп болған. Ол жарты жыл бұрын жолдасының туған бауыры кенеттен қайтыс болғанын, осыған байланысты олардың әулетінде бір жыл бойы аза тұту дәстүрі сақталатынын жеткізді.
«Әлішер: "Мен тойға қатыса алмаймын. Бірақ Айнараның ұзатуын кейінге қалдырмайық. Құдаларды күтіп алып, шаңырағымыздың төрін көрсетейік. Өзім қарсы алып, қонақ қыламын", – деді», – деп жазды әнші.
Сонымен қатар Алтынай Жорабаева жолдасының тойдың барлық ұйымдастыру жұмысына белсене араласқанын атап өтті.
Оның сөзінше, Әлішер дайындықтың әр кезеңіне жауапкершілікпен қарап, қызының ұзату рәсімінің жоғары деңгейде өтуіне бар күшін салған.
Өнер иесі жарына алғыс айтып, алдағы уақытта отбасының өзге де қуаныштарын бірге қарсы алуды тілейтінін жеткізді.
«Алла қаласа, алда әлі талай қуанышымыз бар. Тұрмыс құрмаған төрт қызымыздың да тойын амандықпен бірге қарсы алып, бірге атап өтуді Алла нәсіп етсін», – деп жазды Алтынай Жорабаева.
