Астана
25.77°C
Астана
25.77°C
Алматы облысы Қаскелең қаласындағы мектептердің бірінде оқушы 9 сынып оқушысы қайтыс болды. Бұл факті бойынша тексеру және тергеу шаралары басталды, деп хабарлайды paryz.kz.
Қарасай ауданының білім бөліміне сілтеме жасаған агенттіктің жазуынша, қайғылы оқиға 21 қаңтарда болған. Алдын ала мәлімет бойынша, таңертең бірінші сабақтан кейінгі үзіліс кезінде 15 жастағы 9 сынып оқушысының жағдайы күрт нашарлаған. Сондықтан мектеп әкімшілігі жедел жәрдем бригадасын шақырған.
"Жедел жәрдем бригадасы көрсеткен реанимациялық және медициналық көмектерге қарамастан, баланы аман алып қалу мүмкін болмады. Бұл – отбасы, жақындары және бүкіл мектеп ұжымы үшін орны толмас ауыр қайғы", - делінген ведомство мәлімдемесінде.
Қазіргі уақытта аталған дерек бойынша уәкілетті органдар тексеру және тергеу шараларын жүргізіп жатыр.
"Мәйіт сот-медициналық сараптамаға жіберілді, оның қорытындысы бойынша қосымша ақпарат ұсынылатын болады", - деп қосты білім бөліміндегілер.
