Толқын Забирова келініне қандай талаптар қояды

Бұл туралы әнші «Бүгін LIVE» бағдарламасына берген сұхбатында айтты.

— Төрт құбылам тең. Үйде жолдасым, үш ұлым бар. Үлкенім 23 жаста, Шахрияр. Сингапур университетін бітіріп, дипломын алып, қазір өзінің шағын кәсібімен айналысып жатыр. Екіншім Диар — өнер жолын қуып келе жатқан ізбасарым. Құрманғазы атындағы консерваторияда биыл 4-курста оқиды. Кенжетайымыз Санжар — ЖОО-ның 3-курсында оқиды. Балалар жақсы жетістіктерін көрсетіп жатыр, — деді әнші.

Толқын Забирова, сондай-ақ, болашақ келініне қандай талаптар қоятынын да айтып өтті.

— Қандай келін керек маған? Ол қандай болу керек? Ата-ананың тілегі: бір-бірінің тілін тапса, сыйластықпен өмір cүрсе, одан артық маған ешнәрсе керек емес. Ешқандай талап қоймаймын. Ұлымның таңдауын қабылдаймын. Ана еш уақытта кері жүрмеуі керек, әр адамның өзінің сезімі бар. Әр адам жүрегін тыңдауы тиіс. Тәулігіне 24 сағат әңгіме айтсақ та, мен оны түбіне дейін түсінбейтін шығармын. Ол басқа отбасында тәрбие алған адам. Менің балам қабылдады ма, мен үшін ол табу, талқыланбайды, — деді Толқын Забирова.

Әнші жуырда Астана және Алматыда шығармашылық кешін береді. «Өмірге ғашықпын» концерті 17 қазанда Алматыда және 23 қазан күні Астанада өтеді.