“Қажалып қан болды”: Тамара Асар аяғындағы протезін ауыстыруға барғанын айтты

Өнер иесі соңғы күндері қайта жүріп үйреніп жатқанын айтып, ішкі күйін бөлісті.

«Шетелдемін. Алла сәтін салса, үш күннен бері қайтадан тәй-тәй басып, жүріп үйреніп жатырмын…», - деді ол. Сонымен қатар ол бұл кезеңнің өзі үшін үлкен сынақ екенін жеткізіп, әр қадамын ерекше мәнмен сипаттады.

«Отырған орныңан көтеріліп, мұп-мұздай болған аяққа дұрыс міну – Жетістік. Бір жаққа қарай ауып кетпей, тепе-теңдікпен бойыңды тік ұстау – Жеңіс. Өз комфортына жайғасып алған жылы дененің ауырсынуына, қажалғанына қарамай күрделі кезеңге бағыттап, босата білу – көну арқылы келген – Ерлік. Бір қадамды мың рет тынбай қайталау – Еңбек. Қажалудың қанымен, ауырсынудан жотадан сорғалаған терге бой бермеу – Жеңіс. Ал әрбір басқан қадам ойдағыдай өзі әдемі, өзі нық болса бұл бұйырса – Жеміс! Тәнің мен жаныңды бір Аллаға тапсырып, бағыну арқылы бағындыру — РАХАТ!!! Бәрі ӨМІРДЕГІДЕЙ, ал өмір, кәдімгі СПОРТТАҒЫДАЙ…», - деп түйіндеді әнші.

Айта кетейік, Тамара Асар жол апатынан кейін аяғынан айырылған еді.