Астана
19°C
Астана
19°C
Дінтанушы Айнұр Әбдірәсілқызы Adal ADAM youtube арнасына берген сұхбатында «жәннатқа жолдама» беріп жатқан діншілдердің әрекетіне пікір білдірді. Шымкентте әзілкеш Ғалымжан Құрбанбектің қатысуымен өткен іс-шаралардың бірінде «жәннаттың билеттері» сатылған болатын, деп хабарлайды Paryz.kz.
«Жәннатқа жолдама дейтіндей қабір сұрауын жасайтын, қыл көпірден зу етіп өткізіп жіберетін періштелермен келісіп қойып па еді?! Адам бір сауапты іс жасағанымен арғы жағында оның тағдыры қандай екенін кім біледі? Ертең о дүниеге барғанда мәз болып 50 мыңға сатып алған билеті сират көпірінде жебеу болады деп тұрғанда, бұ дүниеде біреуге жасаған қиянаты болса, ол адамға Алла Тағала «мынаның сауабынан қалағанша ал» десе, жәннат та, жолдама да жайына қалады ғой.
Мен жаңағы адамдардың қисынына қарап сөйлеп отырмын. Негізі мен бұл сөзді өте ойсыздық деп алар едім. Құдайдан қалай қорықпаймыз? Онсыз да жеңіл-желпіні іздейтін, бұ дүниеде бүкіл нығметті сатып алғысы, жақсылыққа жеп-жеңіл қол жеткізісі келетін адамдарға енді о дүниені де солай етіп көрсетеміз бе?! Бсқа басқа, өзіміздің билігіміз жоқ, қандай хәлде боларытынымызды білмейтін о дүниеде не шаруамыз?!» - деп күйінді Айнұр Әбдірәсілқызы.
