«Ұят-ай»: шетелдік турист Қазақстандағы қоғамдық дәретханадан шошып кетті

Жергілікті тұрғындар түсірген видеода ер адам дәретханадан шыққан бойда қатты жөтеле бастайды. Көпшілік бұл оның жағымсыз иіске реакциясы болуы мүмкін екенін жазып жатыр. Турист кейін телефонын алып, дәретхананың өзін суретке түсіре бастайды.

Желі қолданушылары оның көргенін есте қалдыру немесе жазылушыларына көрсету үшін суретке түсіргенін болжауда. Желі қолданушыларының реакциясы Желі қолданушылары еліміздегі қоғамдық дәретханалардың санитарлық жағдайын сынға алды – әсіресе туристік аймақтарда. 

«Біз туризммен айналысамыз. Қонақтар келгенде ұялатын жағдай көп. Есік көлінде не дәретхана жоқ, не интернет. Алмарасандағы дәретханада су жоқ, кейде жабық тұрады. Масқара!», «Шетелдіктер біз үшін ұялады. Бұл – абсурд!», «Осыған қыруар қаражат бөлінеді. Нашар салынған дәретханалар үшін айыппұл салу керек!»,«Мұндай жағдайда тек шетелдіктер емес, өзіміздің де жүрегіміз айниды», «Жыл сайын шетелдіктер келеді. Бәлкім, бір күні әкімдеріміз ұялып, барлығын ретке келтірер...» – деп жазды желі қолданушылары.