Астана
4.16°C
Астана
4.16°C
Белгілі журналист Сәуле Әбілдаханқызының Қытайдан келген қазақтар туралы мәлімдемесі желіде қызу талқыланып жатыр. Енді полицейлер қандастар туралы "қауіпті" деген жазбаны тексеруге кірісті, деп хабарлады Paryz.kz КТК арнасына сілтеме жасап.
Сәуле Әбілдаханқызы Facebook парақшасынанда Қытайдан келген қандастарды мемлекет саясатына араластырмау керек екенін айтты.
"Қытайдан келген қандастарды мемлекет саясатына араластырмау керек. Моральдық қақысы жоқ. Үш-төрт ұрпақ ауысқанда болмаса. Олар "Қытай мектебін" көргендер. Өте қауіпті адамдар. Сатып кетуі оп-оңай. Сондайлардың мыңын жеке білемін", – деді Сәуле Әбілдаханқызы.
Сәуле Әбілдаханқызы Қытайдан оралған азаматтарсыз-ақ Парламенттің жұмысы жүреді деп, қандастардың шамына тиетін сөздер жазған.
Журналистің бұл жазбасы оқырмандардың наразылығын туғызды. Әсіресе, көрші елден Отанына оралған қазақтардың ашуына тиген. Көп ұзамай автор постын өшіріп тастаған. Ал Алматы полиция департаменті қызу талқыға түскен жазбаны тексеріп жатыр.
