Павлодарда екі кішкентай баласын ұрып-соққан ер азамат түрмеге қамалмақ

Павлодарда әкесі жазалаған балалар ауруханаға түсткен деп хабарлайды Paryz.kz.

Оқиға биыл қазан айында болған. 7 жасар қызы мен 6 жасар ұлымен үйде отырғанда әкесі балаларын тыңдамағаны үшін соққыға жыққан. Айтуынша, балалар қатты құтырып, балконға шығып, ескертулеріне құлақ аспаған. Содан кейін әкесі оларды күшпен тыныштандырмақ болған. Осылайша, ұлының екі тісін тындырып жіберген.

Жараланған, жылап отырған бүлдіршіндерді 36 жастағы әйел тапқан. Әйелі жұмыстан келгенде күйеуі үйде болмаған екен. Ол бірден полиция және жедел жәрдем шақырған.

Екі бала да Павлодар облыстық балалар ауруханасының травматологиясына түсті. 2014 жылғы қыз бала жұмсақ тіндердің, оң жақ жауырынның, жабық бас сүйек-ми жарақатымен және ми шайқалуымен жеткізілді. Медициналық көмек көрсетілгеннен кейін ауруханаға жатқызудан және стационарлық емдеуден бас тартылған, – деп хабарлады өңірлік Денсаулық сақтау басқармасының баспасөз қызметі.   

Ведомствоның хабарлауынша, екінші баланың ерні жарақатталып, тісін жұлдыруға тура келген.

Балаларға қатыгездік жасағаны үшін әкесі қылмыстық жауапқа тартылады. Павлодар облыстық Полиция департаментінің баспасөз қызметінен хабарлағандай, павлодарлыққа қатысты ҚР ҚК 140-бабының 2-бөлігі ("Ата-ананың қатыгездік танытуымен байланысты кәмелетке толмаған баланы тәрбиелеу жөніндегі міндеттерді орындамауы немесе тиісінше орындамауы") бойынша сотқа дейінгі тергеу жүргізілуде.

Осы қылмыстық құқық бұзушылық үшін 160 айлық есептік көрсеткішке дейінгі мөлшерде айыппұл салу немесе 160 сағатқа дейінгі мерзімге қоғамдық жұмыстарға тарту не 40 тәулікке дейін қамауға алу көзделеді.