Астана
25.77°C
Астана
25.77°C
АҚШ Президенті Дональд Трамптың немересі Кай Мэдисон Трамп әлеуметтік желіде атасымен бірге гольф ойнап жатқан сәтінен видео жариялады. Онда Скриптониттің "Не расслабляйся" әні қосылған, - деп хабарлайды Paryz.kz Tengrinews.kz-ке сілтеме жасап.
Дональд Трамптың үлкен немересі Кай Трамп - 18 жастағы блогер, YouTube-тың "алтын" және "күміс" түймелерінің иегері, сонымен қатар, кәсіби гольфшы. Президент сайлауынан кейін сарапшылар оны Трамптың жастар арасындағы танымалдылығын арттыруға ықпал ете алатын, әлеуметтік желілердегі мықты одақтасы ретінде атап өтті.
Видеоға рэпер Әділ Жәлелов, яғни Скриптониттің "Не расслабляйся" әні қосылған. Жазба астындағы пікірлерде қазақстандық орындаушының тыңдармандары қыздың музыкалық талғамын мақтап жатыр. Видео YouTube-тағы толық нұсқаның промо-ролигі болуы мүмкін. Өйткені Кай Трамп оған мынадай сипаттама қалдырған.
"Дональд Трамп атаммен жеке кездесу. Толық видео сенбіде шығыс уақытымен 12:00-де YouTube-та шығады".
