Прямой эфир
Астана
25.77°C
Прямой эфир
Астана
25.77°C
Қарағандыда такси жүргізуші көлік салонында баланың жалғыз отырғанын жарты жолға келгенде бір-ақ білген, деп хабарлайды paryz.kz.
Қарағанды облысы полиция департаменті баспасөз қызметінің мәліметінше 6 қарашада сағат 16:48-де Жедел басқару орталығына Қарағанды тұрғыны арызданып, такси жүргізуші баласын алып кеткенін хабарлаған.
«Әйел қызын таксиге отырғызғанын, ал көліктің екінші жағынан отыру үшін бара жатқанда жүргізуші көлікті айдап кеткенін айтты», - деп жазылған хабарламада.
Полиция бұл жағдайға қатысты дереу шара қолданды. Көлік иесі анықталды, ол такси жүргізушімен байланысқа шыққан. Такси жүргізуші қоңыраудан кейін ғана артқы орындықта бала жалғыз отырғанын байқаған. Ол дереу артқа қайтып, қызды анасына тапсырды.
Жолаушыларды тасымалдау ережесін бұзғаны және кәсіпкерлік қызметпен заңсыз айналысқаны үшін жүргізушіге қатысты әкімшілік іс қозғалды.
