Тоқаев: Өз тұтастығын сақтай алмаған халық басқаларға үлгі-өнеге көрсете алмайды

"Бүгінгі жиынның мән-мағынасы ерекше. Себебі Ана тілі мәселесі, бұл – мемлекеттік, саяси және ұлттық маңызы бар тақырып. Қазіргі таңда дүние жүзінде тіл өзекті, нәзік мәселеге айналып кетті. Бұл үрдіске бәріміз куә болып отырмыз", - деді президент.

Мемлекет басшысы сонау 1989 жылы іргесі қаланған ұйымның Егемен ел тарихындағы орны бөлек екенін айтты. "Кезінде көрнекті ғалымдар – академиктер Әбдуәли Қайдар және Өмірзақ Айтбайұлының бастамасымен құрылған "Қазақ тілі" қоғамының тарихи жолын қазіргі буын өкілдері мен белгілі тіл мамандары лайықты жалғастырып келе жатыр.

Президент Мемлекет басшысы ретінде "Қазақ тілі" қоғамының әр мүшесіне шынайы ризашылығымды білдіретінін айтты.

"Тіл – баршамызға ортақ құндылық. Тіл – Алланың құдіретінің арқасында адамдарға берілген үлкен сый әрі мүмкіндік. Тіл – адамзаттың негізгі жетістігі. Адам баласының ойдағыдай дамуының ең басты себебі де – тіл. Біз өркениетті ел ретінде ана тіліміз – қазақ тілінің абырой-беделін арттыру үшін бір ел болып табанды жұмыс істеуіміз керек. Бүгінгі жиынның басты мақсат-міндеті де – осы", - дед" Тоқаев.