Шығыс Қазақстан облысында жер қазу жұмыстары кезінде адамның мәйіті табылған. Мәйіт Малоубинка өзенінің жанында анықталған.
Полиция осы оқиға бойынша сотқа дейінгі тергеу жүріп жатқанын айтты. Айтуларынша, табылған қаңқа қалдықтары еркек жынысына жатады.
"Қазіргі уақытта белгісіз мәйіттің кім екені және өлім себептерін анықтауға бағытталған іс-шаралар жүріп жатыр", - деді ШҚО полициясы.
Әлеуметтік желіде мәйіттің қолдары мен аяқтары байлаулы болған деген ақпарат тараған болатын. Полиция бұл туралы ақпарат шындыққа жанаспайтынын мәлімдеді.