Марат Ирменов Ұлттық қауіпсіздік комитетінің төрағасы болып тағайындалды, деп хабарлады Ақорда.
"Мемлекет басшысының жарлығымен Марат Ғатаұллаұлы Ирменов Қазақстан Республикасы Ұлттық қауіпсіздік комитетінің төрағасы болып тағайындалды, ол бұрынғы атқарған лауазымынан босатылды", - деп жазылған хабарламада.
Марат Ирменов 1993 жылы Батыс Қазақстан ауыл шаруашылығы институтын, 1996 жылы Ұлттық қауіпсіздік комитетінің институтын, 2000 жылы Халықаралық құқық және нарық академиясын тәмамдаған.
2000-2025 жылдары басшылық қызметтерде жұмыс істеді.
Атап айтқанда, Ақтөбе облысы (2016-2020), Жамбыл облысы (2020-2022) және Алматы қаласы (2022-2025) бойынша ҰҚК департаменттерінің бастығы қызметін атқарған. 2025 жылдың қазан айынан бүгінге дейін ҰҚК төрағасының орынбасары болды.