"Үй пышағымен өлтірген": Атыраудағы қанды іске қатысты сұмдық дерек шықты

Облыстық прокуратура өкілінің айтуынша, күдікті бұл қылымысты асқан қатыгездікпен жасаған. "Тергеу барысында күдіктінің Қарабалиндер отбасын аса айуандықпен жайратып салғаны белгілі болған. Сараптамада марқұмдардың әрқайсысының денесінде бірнеше жерден кесілген және тесілген жарақаттар анықталыпты", – дейді телеарна тілшісі.

Сараптама нәтижелері бойынша өлімге дәл осы ауыр пышақ соққылары себеп болған. Сондай-ақ, жәбірленушілердің денесінен ас үй пышағымен салынған алтыдан астам жарақат табылған.

Марқұмдардың кеуде тұсы мен мойын аймағына және ішкі ағзаларына қатты соққы тиген. Тергеу нәтижесінде Қарабалиндер отбасының әртүрлі уақытта қаза тапқаны белгілі болды. 

Біреуі мамыр айында, ал қалғандары қарашада өлтірілген. Қазір бұл іске қатысты барлық тергеп-тексеру амалдары жалғасып жатыр.