Прямой эфир
Астана
25.77°C
Прямой эфир
Астана
25.77°C
Қаржылық мониторинг агенттігі Павлодар облысы бойынша департаменті жүкті әйелдерді жалған жұмысқа орналастыру схемасын ұйымдастырған тұлғалар тобына қатысты тергеу жүргізуде.
Жүкті әйелдерді жалған жұмысқа орналастыру схемасын зейнетақы төлеу орталығының бөлім басшысы ұйымдастырған.
"Ол таныс бухгалтермен 13 кәсіпкердің электрондық цифрлық қолтаңбасын рұқсатсыз пайдаланып, жалған жұмысқа қабылдау туралы бұйрықтарды, еңбек қатынастары заңды түрде рәсімделген өзге де құжаттарды дайындаған", - дейді агенттік.
Бұл іске жүкті әйелдерді табу бойынша тағы бірнеше адам тартылған. Осылайша жалған деректер негізінде жәрдемақы тағайындалып, алынған қаржыны өзара бөліп келген.
Нәтижесінде 13 жеке кәсіпкердің атынан 50-ден астам жүкті әйелге 6 млн теңгеге дейін өсірілген жәрдемақылар төленген. Мемлекетке келтірілген залал 200 млн теңгеден асады. Сот санкциясымен күдіктілердің 3 автокөлігіне тыйым салынды.
