Жаппай тәртiпсiздiкке шақырған Астана тұрғыны сотталды

Ол жүк көлігінің артық салмағына қатысты заң талабымен келіспей, "Whatsapp" тобына билік өкілдеріне белсенді түрде бағынбауға және қару қолдану арқылы жаппай тәртiпсiздiкке қатысуға хабарламалар жолдаған.

"Сот үкімімен жауаптылықты жеңілдететін мән-жайды және ауырлататын мән-жайдың жоқтығын ескере отырып, пробациялық бақылау белгілеп, 2 жыл 6 айға бас бостандығы шектелді", - делінген хабарламада.

Билік өкiлдерiнiң заңды талаптарына белсенді түрде бағынбауға және жаппай тәртiпсiздiкке шақырғаны, не жаппай тәртіпсіздікке арандатуы, сол сияқты азаматтарға зорлық-зомбылық жасауға шақырғаны үшiн, оның iшiнде бұқаралық ақпарат құралдарын немесе телекоммуникация желілерін пайдалану арқылы жасалған әрекеттерге 7 жылға дейін бас бостандығынан айыру түріндегі қылмыстық жауаптылық көзделген, деп ескертеді прокуратура.