Астана
28.8°C
Астана
28.8°C
Энергетика министрі Болат Ақшолақов Риддердегі жылу электр орталығында болған апатқа қатысты пікір білдірді, - деп хабарлайды paryz.kz ақпарат агенттігі.
"Риддерде жағдай қиын. Үш қазандық жұмыс істеп тұр. Кеше жылу электр орталығындағы №6 жоғары қысымды қазандық іске қосылған болатын. 10 қараша түнгі сағат 01:00-де температурасы 65 градусқа жеткен №6 қазандық апатты жағдайда сөндірілді. Бірден жөндеу жұмыстары басталып кетті", - деді Болат Ақшолақов.
"Жаңа қазандық салу қажет пе?" деген сұраққа министр: "Әрине, иә, оны бөлек салу керек" деп жауап берді.
favicon
lamoda.kz
Перейти
Сондай-ақ, министр қазіргі уақытта станция иелеріне қатысты шаралар қолданылып жатқанын айтты.
"Апаттың себебін түсінуге және тез қалпына келтіруге уақыт қажет. Мұның бәрі жабдықтың тозғандығына байланысты. Қазір ең бастысы - судың температурасы", - деп түсіндірді Энергетика министрлігінің басшысы.
Шығыс Қазақстан облысының әкімдігі Риддер ЖЭО-да үш қазандық жұмыс істеп тұрғанын растады. Әкімдіктің мәліметінше, № 6 қазандық апатқа байланысты тоқтатылған.
Еске салайық, 5 қараша сағат 20.00-де аталған орталықтағы күл шығару жүйесіндегі сорғы істен шығып, №1 қазандық агрегатының қосалқы жабдығы апатты жағдайда ажыратылған болатын. Соның салдарынан 22 мыңнан тұрғын жылусыз қалған.
