Шучинскіде дәмханадағы жарылысқа кінәлілер сотталды

Қылмыстық іс Бурабай аудандық сотында қаралды. Дәмхана басшысына қатысты Қылмыстық кодекстің 292-бабы 3-бөлігі "абайсызда адамдардың өліміне, адамдардың денсаулығына ауыр зиян келтіруге және ауыр зардаптарға әкеп соққан өрт қауіпсіздігі талаптарын бұзу" бойынша іс қозғалды. Ал газ баллон жеткізуші мен газ толтыру бекетінің директорына қатысты Қылмыстық кодекстің 306-бабы 3-бөлігі "Қауiпсiздiк талаптарына сай келмейтін тауарларды сату не қызметтер көрсету" бойынша іс қозғалды.

"Дәмхана басшысы оның иесі бола тұра қауіпсіздік талаптарын бұзуға жол берді. Атап айтқанда: қоғамдық тамақтандыру объектісінде газ баллондарын пайдалану, жылу радиаторларына жақын жерде баллондарды сақтау. Газ жабдықтарын пайдалануға қызметкерлер мен жауапты тұлғаларда нұсқаманың болмауы", - дейді сот. 

Ал газ баллон жеткізуші қызметті жүзеге асыруға құқығы жоқ бола тұра дәмханаға газ баллондарын жеткізумен айналысқан.

"25 ақпанда ол екі цилиндрді жеткізген, кейін олардың бірі жарылған. Ол жеткізген цилиндр рұқсат етілген нормадан жоғары толтырылған. Ал газ толтыру бекетінің директоры көзделген құжаттама, жабдықтар, баллондарды толтыруды бақылаудың өлшеу аспаптары, оқытылған персонал және өзге де міндетті жағдайлар болмаса да газды тұрмыстық баллондармен жүйелі түрде өткізген", - дейді сот.

Газ цилиндрі толып кеткен. Оны радиатордың жанындағы дәмханада сақтағандықтан газ қызып, жарылған. Сотталушылардың кінәсі толық дәлелденді. Сот үкімімен барлық сотталушылар айыпты деп танылды. Кафені жалға алушы үш жылға қоғамдық тамақтандыру қызметімен айналысуға тыйым сала отырып, 7 жылға бас бостандығынан айырылды. Жанармай құю станциясының директоры 7 жылға, газбаллон жеткізушісі 6 жылға бас бостандығынан айырылды.

Еске сала кетейік, биыл ақпанда Щучинск қаласындағы дәмханада жарылыс болып, 12 адам қаза тапты. Қаза тапқандардың арасында қызы мен анасы болған.