"Алкогольдік мас күйде көлік жүргізді": Астана соты судьяның ұсталғаны туралы ақпаратқа қатысты пікір білдірді

Астана қалалық сотының баспасөз қызметінің түсіндіруінше, Қазақстан Республикасының судьялары сот төрелігін жүзеге асыру кезінде олардың тәуелсіздігін қамтамасыз ететін ерекше құқықтық мәртебеге ие. Алайда бұл мәртебе оларды құқық бұзушылық үшін жауапкершіліктен босатпайды.

"Әкімшілік құқық бұзушылық туралы материалдар Ішкі істер министрлігімен Бас прокуратураға жолданды. Бас прокуратура қолданыстағы тәртіпке сәйкес судьяны жауапкершілікке тарту мәселесін қарау үшін Жоғары сот кеңесіне ұсыныс енгізеді", - делінген хабарламада. 

Соттың баспасөз қызметі тәртіптік жауапкершілікке тарту, сондай-ақ судьяларды іріктеу, тағайындау және қызметтен босату мәселелері дербес мемлекеттік орган – Қазақстан Республикасының Жоғары сот кеңесінің құзыретіне жататынын атап өтті. acuvue.com

"Барлық қажетті тексеру уәкілетті органдармен заңнама талаптарына қатаң сәйкес жүргізіліп жатыр. Қазақстан Республикасының сот жүйесі заңдылық, әділдік және лауазымына не мәртебесіне қарамастан, барлық азаматтың заң алдында теңдігі қағидаттарын әрдайым ұстанады. Судья тарапынан заң мен қызметтік міндеттерін бұзу фактісі заң талаптарына сәйкес тиісті құқықтық баға мен салдарынсыз қалмайды", - делінген хабарламада.