«Үміт әрдайым жанымызда»: Балалар контенті тағы бір айтықша туындымен толықты

«Үміт әрдайым жанымызда» фильмі 2023 жылғы питчингтің жеңімпаз жобаларының бірі болып табылады. Ол ерекше қажеттіліктері бар балалардың өмірін шынайы әрі сезімтал түрде көрсетеді, олардың қиындықтарын жеңуге деген ұмтылысын және қоғамдағы орнын табуға деген талпынысын бейнелейді.

Фильмнің сценарийін 19 жастағы Диана Мұрзағалиева жазған. Диана – стартапер, волонтер және әлеуметтік бастамалардың жетекшісі. Ол балалық шағында сөйлеу қабілетіне байланысты қиындықтарды бастан кешіріп, оңалту орталықтарында ұзақ уақыт емделген. Осы тәжірибесі оған фильмнің идеясын жасауға шабыт берген. Диана қоғамға қосқан ерекше үлесі үшін «Уэльс ханшайымы Диананың» сыйлығын иеленген.

Фильмге Қуаныш Нағыз режиссерлік еткен. Ол сондай-ақ «Үш сый», «Менің атым Қозы», «Трансформер тұлпарлар», «Бақашабақ», «Қожанасыр мен ұрылар» сияқты анимациялық жобалардың авторы. Жалпы анимация саласында тәжірибесі көп, білікті маман.

Жалпы фильм балаларға үміт сыйлап, қоғамда инклюзивті орта қалыптастыруға үлес қосуды көздейді. Ол ерекше қажеттіліктері бар балалардың өміріне назар аударуға және оларға деген эмпатияны арттыруға бағытталған. Фильмнің тұсаукесері Астанадағы Ұлттық балаларды оңалту орталығында өтті. Бұл орталық ерекше қажеттіліктері бар балаларға арналған оңалту қызметтерін ұсынатын маңызды мекеме болып отыр.

Тұсаукесер шарасы орталықтың миссиясымен үндес болды – балалардың оңалуына және әлеуметтік интеграциясына қолдау көрсету. Фильмнің көрсетілімі қоғамда инклюзия мәселелеріне назар аударуға және ерекше балалардың әлеуетін көрсетуге мүмкіндік берді.

Шараға орталықтың мамандары, балалар, ата-аналар, сондай-ақ әлеуметтік жобаларға қызығушылық танытқан қонақтар қатысты. Фильмнің мазмұны мен идеясы қатысушылардың жоғары бағасын алды.

Фильм қазақ анимациясының инклюзивті бағытта дамуына үлес қосады. Ол балалардың санасын қалыптастыруда оң рөл атқарып, қоғамда мейірімділік пен өзара түсіністікті насихаттайды. Қазақ анимациясына қатысты сындарға қарамастан (графикалық сапа, батыстық контенттің басымдығы), «Үміт әрдайым жанымызда» сияқты жобалар ұлттық құндылықтарды дәріптеуге және жергілікті контентті дамытуға бағытталған маңызды қадам болып саналады.

Елімізде соңғы жылдары ұлттық құндылықтарды насихаттауға және балалардың дүниетанымын қалыптастыруға бағытталған жобаларды дамытуға басымдық беріліп жатыр. Соның ішінде қазақ анимациясы жалпы балалар контентіне қатысты туындыларға айрықша назар аударылып отыр. Тұсауы кесілген «Үміт әрдайым жанымызда» анимациялық фильмі осы жұмыстардың нәтижесі екені даусыз.

Деген батыстық анимациялардың әсері және графикалық сапа мәселелері отандық өнімдердің дамуына кедергі келтіріп отырғаны тағы бар. Соған қарамастан «Үміт әрдайым жанымызда» сияқты жобалар осы олқылықтарды толтыруға және қазақ балаларының рухани тәрбиесіне үлес қосуға бағытталған.