«Ұлы дала жорығы-2025» марафон-бәйгесінің жеңімпазы анықталды

Таңғы 7.00-де 6 команда Алматы облысы, Іле ауданы Ақши аулының маңынан жорықты жалғап, Қонаев қаласында аяқтады.

Бес күн, яғни 500 шақырым қорытындысы бойынша Астана қаласының командасы жеңімпаз атанды.

Екінші орын иегері - Қырғыз Республикасының бірінші командасы, ал үшінші орынға Ұлытау облысы жайғасты.

500 км қорытындысы:

1 Астана қаласы 31:19:05

2 Қырғыз Республикасының бірінші командасы 32:26:57

3 Ұлытау облысы 32:37:47

4 Маңғыстау облысы 33:09:03

5 Алматы облысы 33:47:05

Жол қашықтығы 500 шақырымды құрады және бағыт Алматы облысының аумағын қамтыды.

Қолдау көрсетушілер – «AMANAT» партиясы және Алматы облысының әкімдігі.

Жобаның басты серіктесі: ҚР Ұлттық спорт қауымдастығы, «Alageum Electric» компаниясы.

Ақпараттық серіктестер: «Хабар», «Қазақстан» «Астана» телеарналары. Халықаралық «Ұлы дала жорығы» марафон-бәйгесінің жоғарғы деңгейде өтуіне атсалысып, шабандоздар мен атбегілерге бар мүмкіндікті жасап жатқан Алматы облысының әкімдігіне және облыс тұрғындарына алғыс айтамыз.

«Ұлы Дала Жорығы» – үздік жылқы тұқымы анықталатын далалық лаборатория.

Марафон жаңалықтарын www.joryq.kz ресми сайтында, әлеуметтік желілерде бақылаңыз: fb - JORYQ, Instagram - joryqofficial, Tik-Tok - JORYQ, youtube - JORYQ.