Астана
36.14°C
Астана
36.14°C
10 жылға сотталған Атырау облысы әкімінің бұрынғы бірінші орынбасары Нұрлан Таубаев шартты түрде мерзімінен бұрын бостандыққа шықпайтын болды, деп хабарлайды paryz.kz.
КТК-ның мәліметінше, Астана қаласының ауданаралық қылмыстық істер жөніндегі соты экс-шенеуніктің мерзімінен бұрын босату туралы берген ресми өтінішін қарап, оны қанағаттандырудан бас тартқан.
Сот шешімімен келіспеген Таубаев апелляциялық шағым түсірген. Алайда Астана қаласы сотының қылмыстық істер жөніндегі сот алқасы шағымды қарап, бірінші сатыдағы соттың қаулысын өзгеріссіз қалдырды. Осылайша бұрынғы шенеунік жазасын одан ары қарай өтей бермек.
Нұрлан Таубаевтың түрмеден шығуына шамамен екі жыл қалған. Ол 2022 жылдың мамырынан бері түрмеде отыр, ал оған дейін екі жылға жуық уақыт тергеу изоляторында қамауда болды.
