Алматының қысқа мерзімді экономикалық көрсеткіші 2025 жылғы қаңтар-сәуір айларында 9,1%-ға өсті

Төрт айдың қорытындысы бойынша қысқа мерзімді экономикалық индикатор өткен жылдың осы кезеңімен салыстырғанда 9,1%-ға өсті. Экономикалық өсімнің негізгі қозғаушы күштері – көлік және қойма (+23,9%), құрылыс (+21,3%) және өңдеуші өнеркәсіп (+17,6%) болды. Осы кезеңде Алматы бюджетіне түсетін түсімдер 14,6%-ға артты.

2024 жылдың қорытындысы бойынша жан басына шаққандағы жалпы өңірлік өнім (ЖӨӨ) 27 557 АҚШ доллары болып, алдыңғы жылмен салыстырғанда 9,4%-ға артты. Бұл еліміздегі ең жоғары көрсеткіштердің бірі.

Алматы инвестиция, инновация және кәсіпкерлік белсенділік орталығы ретінде позициясын нығайтып келеді. Қаланың ЖӨӨ-нің елдің жалпы ішкі өніміндегі үлесі 2023 жылғы 21,1%-дан 2024 жылы 21,8%-ға дейін өсті. Бұл Алматының ұлттық экономикадағы рөлінің артып келе жатқанын көрсетеді.

Алматыда инженерлік желілердің құрылыс нысандарын инспекциялау басталды.
Мұндай нысандар жобалық құжаттаманың және жұмыстарды ұйымдастыру нормаларының сәйкестігіне тексеріледі, деп хабарлайды Алматының қала құрылысын бақылау басқармасы.

Алдыңғы күні «Samryk SD» ЖШС мердігерлік ұйымының Рақышев көшесі бойынша кабель желілерін төсеу объектісін инспекциялау нәтижесінде көзбен шолып тексеру кезінде кабель төсеу тереңдігі бөлігінде жобадан айтарлықтай ауытқу анықталды. Сонымен қатар, бүкіл көшеде қоршаулар мен ескерту белгілері жоқ.

Жұмыстарды ұйымдастырудағы осындай бұзушылықтар осы мердігерде және Салықов пен Өтегенов көшелерінің қиылысында анықталды.

Басқарма инспекторлары объектілердегі құрылыс-монтаждау жұмыстарын тоқтатты, ал мердігерге қатысты жоспардан тыс тексеру аясында әкімшілік шаралар қабылданатын болады.

Естеріңізге сала кетейік, ағымдағы жылы Алматыда құрылыс-монтаждау жұмыстарының тірек және (немесе) қоршау конструкцияларын тұрғызуға және реконструкциялауға қойылатын талаптарға сәйкестігін инспекциялау үшін құрылыс объектілеріне бару тәртібі күшіне енді.

Сәулет-құрылыс бақылау және қадағалау органдары Қазақстан Республикасының Кәсіпкерлік кодексіне сәйкес жоспардан тыс тексерулер жүргізуді жалғастыруда. Келесі кезеңде инспекциялау аясында бұзушылықтар анықталған кезде жаңашылдық шаралар қабылдау үшін жедел тексеру жүргізуге мүмкіндік береді.