Прямой эфир

Астана

Астана

17.97°C

Саясат бүгін, 10.07.2024 08:00 Обновлять, 18.07.2024 13:07

ІІМ қазақстандықтарға үндеу жасады

Ішкі істер министрлігінде жол қозғалысына қатысушыларға үндеу жасалды, деп хабарлады Paryz.kz. 

ІІМ қазақстандықтарға үндеу жасады
Фото: Tengrinews.kz/Тұрар Қазанғапов

Ведомство өкілдері соңғы уақытта БАҚ пен әлеуметтік желілерде қазақстандықтардың полиция қызметкерлерінен жедел-профилактикалық іс-шаралардың өткізілуі туралы құжаттарды талап етіп, олардың жұмысына кедергі келтіру сәттері бейнеленген видеолар жарияланып жатқанына алаңдаушылық білдірді.

«Жол жүрісі туралы» заңда және Жол жүрісі қағидаларында көлікті тоқтату кезінде полиция қызметкерлері мен жүргізушілердің іс-қимылының нақты тәртібі айқындалған. Көлікті тоқтату кезінде полиция қызметкері өзін таныстырып, қызметтік куәлігін көрсетіп, тоқтату себебін түсіндіруі қажет. Жүргізуші өз кезегінде ішкі істер органдары қызметкерінің заңды талаптарын орындауға міндетті. Ал полиция қызметкері жедел-профилактикалық іс-шараның өткізіліп жатқанын растайтын құжаттарды көрсетуге міндетті емес, – деді ІІМ әкімшілік полиция комитетінің төрағасы Қайсар Сұлтанбаев.

Сондай-ақ комитет төрағасы полиция қызметкерінің заңды талаптарын орындамау, қызметтік міндеттерін атқару кезінде оның жұмысына кедергі келтіру 30 айлық есептік көрсеткіш мөлшерінде айыппұл салу немесе 15 тәулікке дейін қамауға алу түріндегі әкімшілік жауапкершілікке әкеп соғатынын ескертті.