Астана
25.77°C
Астана
25.77°C
Еңбек және халықты әлеуметтік қорғау министрлігі Корея Республикасында заңсыз еңбек етіп жүрген қазақстандықтар 2026 жылғы ақпанның соңына дейін елден ерікті түрде шыға алатынын тағы да еске салады. Бұл ретте айыппұл, сондай-ақ Корея қайта кіруге тыйым салынбайды, деп хабарлайды ведомствоға сілтеме жасаған paryz.kz.
Министрлік былтыр Қазақстан мен Корея ерікті түрде елден шығу бағдарламасының уақытша шеңберін кеңейту жөніндегі уағдаластыққа қол жеткізгенін еске салды.
"Бұл шаралар құқықтық салдарларды жеңілдетуге және өз мәртебесін реттеуге дайын адамдарды қолдауға бағытталған. Бағдарлама қылмыстық құқықбұзушылық жасаған, мәжбүрлеп шығару шарасына жататын, сондай-ақ 2025 жылғы 1 желтоқсаннан кейін заңсыз мәртебеге түскен шетелдіктерге қолданылмайды", - деп түсіндірді ведомство өкілдері.
Бағдарламаға қатысу үшін төлқұжат, өз еркімен кету туралы өтініш және әуе билеті қажет. Алдын ала хабарлама Корея Республикасының иммиграция кеңселері арқылы ұшу күніне дейін 15-тен 3 күнге дейінгі мерзімде беріледі.
"Еңбек және халықты әлеуметтік қорғау министрлігі қазақстандықтарды шетелде тек заңды негізде жұмысқа орналасуға шақырады. Бұл заңсыз көші-қон, елден шығарып жіберу, айыппұлдар, құқықтық шектеулер және еңбек қанауы сияқты тәуекелдердің алдын алуға мүмкіндік береді", - делінген хабарламада.
Сонымен қатар министрлік тек ресми және тексерілген еңбек ресурстары арналарына (лицензияланған жеке жұмыспен қамту агенттіктері, мемлекеттік бағдарламалар және жұмыс берушілердің ресми ұсыныстары) жүгіну қажеттігін еске салды.
