Астана
14°C
Астана
14°C
Қызылжарлық зейнеткер анасын балтамен ұрып өлтірді. Оқиға Жамбыл ауданының Благовещенка ауылында болған. 89 жастағы қарияның мәйіті ауласынан табылған, деп хабарлайды paryz.kz Астана арнасына сілтеме жасап.
Алдын ала мәлімет бойынша, ана мен баланың арасында жанжал туындаған. Ашуға булыққан 66 жастағы ер адам қарт анасының басын балтамен ұрған көрінеді.
Кейуана сол жерде қайтыс болды. Күдікті қайғылы оқиға жөнінде полицейлерге өзі хабарлаған.
"Благовещенка ауылында жеке үйдің ауласынан 89 жастағы қарияның денесі табылды. Аталған қылмысты жасады деген күдікпен оның 66 жастағы баласы ұсталды. Зейнеткерді өлтіру дерегі бойынша полиция сотқа дейінгі тергеп-тексеруді бастады. Бірқатар қажетті сараптама тағайындалып, оқиғаның барлық мән-жайы мен себептері анықталуда", - дейді СҚО полиция департаментінің аға инспекторы Юрий Клыков.
