Астана
5°C
Астана
5°C
Танымал актриса Жұлдыз Әбдікәрімова әлеуметтік желідегі парақшасында қуанышты жаңалығымен бөлісіп, ата-анасына елордадан су жаңа пәтер кілтін табыстағанын хабарлады, деп жазады Paryz.kz.
Өнер иесінің айтуынша, бұл оның айлар бойы дайындалған, ұзақ күткен жобаларының бірі болған. Актриса жаңа баспананың жөндеу жұмыстары мен жабдықталуын толықтай өзі қадағалап, ата-анасына ерекше тосынсый дайындаған.
«Аллаға сансыз шүкір! Ұзақ күткен, айлар бойы дайындалған күнге жеттім. Ата-анама деп дайындаған пәтерді табыстау бақыты бұйырды. Өздерің барда мен баламын. Қандай сый, құрмет көрсетсем де, перзенттік парызым өтелмесін білемін», — деп жазды ол әлеуметтік желідегі парақшасында.
Жазба астында оқырмандар мен өнердегі әріптестері актрисаның бұл әрекетіне сүйсініп, ақ тілектері мен құттықтауларын жаудыруда.
