«Жарасымды жұп»: Жұлдыз Әбдікәрімова мен Азамат Сатыбалдының бірге түскен суреті желіні шулатты

Жазбада актриса спектакльдің мазмұнына тоқталып, оның тек махаббат туралы емес, өмірдің сынағына төтеп бере алмаған, кезінде бір-бірін шексіз сүйген екі адамның тағдыры туралы екенін айтты.

Алайда желі қолданушылары қойылымнан гөрі актерлердің үйлесімді образына назар аударды. Пікір қалдырушылардың бір бөлігі Жұлдыз Әбдікәрімова мен Азамат Сатыбалдының бірге жарасымды көрінетінін жазса, енді бірі олардың сахналық жұбына тәнті болғанын жеткізді. 

Кейбір оқырмандар әзіл аралас пікір қалдырса, өзгелері «Жұлдызға осындай ер азамат жарасады», «Екеуі өте үйлесімді жұп сияқты» деген сарындағы пікірлерін білдірді.

Тіпті кейбір қолданушылар актрисаның бұрынғы жұбайы Қайрат Нұртаспен салыстырған пікірлер де жазған. Айта кетейік, жарияланған фотосуреттер актерлердің жеке өміріне емес, жақын күндері көрерменге жол тартатын «Сен және мен» драмасының жарнамалық материалдарына арналған.